Førsteamanuensis/førstelektor/høgskolelektor i naturfag Jobbnorge ID: 104181
Ved Høgskolen i Nesna er det ledig mellombels stilling som førsteamanuensis/førstelektor/høgskolelektor i naturfag for perioden 01.08.14 - 31.07.15. Det er mogeleg at stillinga seinare vil bli fast.Ansvars- og arbeidsområdeDen som blir tilsett må kunne undervise på dei studietilboda som høgskolen har innafor naturfag. Den som blir tilsett må delta i undervisningsteam og samarbeid på tvers av fag, mellom anna knyta til profilarbeid på GLU 1-7 (kreative arbeidsformer) og GLU 5-10 (stadbasert læring). Undervisningsoppgåvene vil hovudsakeleg bli knyta til undervisning i naturfaga og naturfagdidaktikk i lærarutdanningane (barnehagelærar- og grunnskolelærarutdanning for 1.-7. og 5.-10.trinn) og masterutdanninga, samt i etter- og vidareutdanning. Det er ønskelig at den som vert tilsett kan undervisa i fleire av emna: fysikk, kjemi, biologi, geofag og naturfagdidaktikk. Seksjonen har et særlig behov for ein person som kan undervisa i fysikk. Den som blir tilsett må rekne med å delta på feltarbeid.
KvalifikasjonskravI profesjonsutdanningane er all undervisning på norsk, så godt dokumenterte kunnskapar i norsk er et krav ved tilsetjing.
For tilsetjing som førsteamanuensis krev vi doktorgrad eller tilsvarande i relevante fagområde (fysikk, kjemi, biologi eller naturfagdidaktikk).
For tilsetjing som førstelektor krev vi hovudfag eller mastergrad frå universitet eller høgskole i relevante fagområde (fysikk, kjemi, biologi eller naturfagdidaktikk), og i tillegg dokumentert forskings- og utviklingsarbeid som i kvalitet og omfang til svarar arbeidsmengde og nivå for ei doktorgradsavhandling. For tilsetjing som høgskolelektor krev vi hovudfag eller mastergrad i relevante fagområde (fysikk, kjemi, biologi eller naturfagdidaktikk) frå universitet eller høgskole.
For alle tilsetjingskategoriane er det krav til praktisk pedagogisk kompetanse i naturfagdidaktikk tilsvarande PPU ved universitetet eller lærarutdanning med naturfag og master i naturfagdidaktikk frå høgskolen . Erfaring frå undervisning, og spesielt erfaring frå grunnskoleundervisning vil bli vektlagt.
Søkjarar må rekna med å halde prøveforelesing før eventuell tilsetjing.
Lønns- og tilsettingsvilkårStillinga er plassert i Statens lønnsregulativ i stillingskode 1011 førsteamanuensis/1198 førstelektor, lønnsramme 24, stillingskode 1008 høgskolelektor, lønnsramme 25. Frå lønna blir det trekt lovbestemt innskott i Statens pensjonskasse. Den som blir tilsett må retta seg etter dei lover, avtalar og instruksar som til ei kvar tid gjeld for tilsette i staten og personale ved statlege høgskolar. Undervisningspersonale må òg delta i aktiviteter som inngår i plan for praksiskontakt. Arbeids- og ansvarsområde kan endrast som følgje av omstilling ved høgskolen. I samband med desentraliserte studium må ein rekne med ein del reiseverksemd. Høgskolen i Nesna praktiserer kjønnskvotering i samsvar med hovudavtalen § 21. Den statlige arbeidsstyrken skal i størst mogeleg grad spegle mangfaldet i befolkninga. Det er derfor eit personalpolitisk mål å oppnå ein balansert alders- og kjønnssamansetjing og rekruttere personar med minoritetsbakgrunn.
Søknad med CV skal sendast elektronisk via «Søk denne stillinga» på denne sida. Vi ber om at du gjev opp referansar i søknaden. Søkjarane sine kvalifikasjonar vil bli vurderte av eit sakkunnig utval. Søknaden skal difor gje eit fullstendig oversyn over utdanning og tidlegare praksis og ha ei liste over vitskaplege arbeid. Vitskaplege arbeid og rettkjende kopiar av vitnemål, alt i 3 komplette og sorterte eksemplar, sendast til Høgskolen i Nesna, 8700 Nesna. Søknadspapira blir sendt vidare til sakkunnig vurdering slik dei ligg føre frå søkjar. Vi ber søkjar merke søknadspapira med Stilling Naturfag og vise til elektronisk søknad.
Jobbtype:Midlertidig, men det er mogeleg for seinare fast tilsetting
Heiltid/deltid:Heiltid
Arbeidstid:Dag
Søknadsfrist:10.8.2014
Tiltreding:Snarast
Arbeidsstad:Nesna
Administrasjonsspråk:språkleg nøytral
Se annonsen og søk på stillingen
www.jobbnorge.no