Seniorrådgivar - analytikar - selskapsanalyse - NFD 20/14 Jobbnorge ID: 105032
Hovudoppgåva til Eigarskapsavdelinga er å medverke til profesjonell forvaltning av staten sitt direkte eigarskap. Målet er å oppnå størst mogleg avkastning over tid for staten og ei god og ansvarleg utvikling for selskapa. Avdelinga forvaltar staten sitt eigarskap i 21 selskap. Det gjeld store børsnoterte selskap som DNB, Telenor og Norsk Hydro, heileigde selskap som Statkraft og Flytoget og enkelte deleigde unoterte selskap. Eigarskapsavdelinga har også ei rolle som kompetanse- og ressursmiljø for den statlege eigarskapsutøvinga i det heile.
Avdelinga arbeider systematisk med å styrkje blant anna den strategiske og økonomiske oppfølginga av selskapa, vurderinga av og rekrutteringa til styra og praksisen for eigarstyring og selskapsleiing. Som ein del av dette arbeidet søkjer Nærings- og fiskeridepartementet no fem til seks engasjerte personar som er interessert i samspelet mellom politikk og næringsliv og som ønskjer å bidra til å vidareutvikle den framtidige statlege eigarskapspolitikken og eigarskapsutøvinga.
Kontaktpersonar:
Morten Strømgren - avdelingsdirektør - tlf. 95 80 24 21
Georg F. Rabl - seniorrådgivar - tlf. 93 45 64 38
Arbeidsoppgåver
Stillinga inneber analytisk oppfølging av staten sitt eigarskap i 3-4 selskap, som medlem av interne investeringsteam samansett av analytikar, forvaltar og avdelingsdirektør. Arbeidsoppgåvene er å utføre analytiskbaserte vurderingar knytt til dei selskapa analytikaren følgjer, til dømes resultat-, rekneskaps- og effektivitetsanalysar på selskaps- og bransjenivå, og å delta i og eventuelt leie prosjekt som mellom anna handlar om endringar i eigarskap, kapitalstruktur, konsernstrategi eller andre eigarrelevante tilhøve. I tillegg til dette kan det vere oppgåver som til dømes gjeld rapportering, sekretariatsoppgåver, bistand til politisk leiing, førebu presentasjonar og liknande.
Kvalifikasjonar
Det er krav om minimum økonomiutdanning på masternivå, gjerne med spesialisering innanfor finans og/eller rekneskap og gjerne i tillegg kompetanse som finansanalytikar. Det er ein føresetnad å ha noko arbeidserfaring, til dømes frå konsulentselskap, finans og/eller analysearbeid i ei større bedrift. Vi legg vekt på interesse for eigarrolla i skjeringspunktet mellom strategi, finans og politikk. Vi søkjer personar med relevant IT-kompetanse, god skriftleg og munnleg framstillingsevne på norsk og engelsk, og kapasitet til å levere høg kvalitet innanfor korte fristar.
Vi tilbyr:
- Lønnsspenn: kr 509 100 - 710 400 (ltr. 60-77)
- Interessante og utfordrande arbeidsoppgåver i eit aktivt og engasjert arbeidsmiljø
- Kompetanseutvikling og fagleg oppdatering
- Heimekontorløysingar og trening i arbeidstida
- Fleksibel arbeidstidsordning og betalt overtid
- God låneordning til bustad gjennom Statens pensjonskasse (SPK)
- God pensjonsordning gjennom SPK
- Kontorlokale i sentrum
Kopi av attestar og vitnemål som ikkje kan sendast elektronisk, skal sendast Nærings- og fiskeridepartementet, Postboks 8090 Dep, 0032 Oslo. Søknadsdokument blir ikkje returnerte.
Søknadsfrist: 19. september
Se annonsen og søk på stillingenwww.jobbnorge.no
Web: www.regjeringen.no/nb/aktuelt/ledige-stillinger-i-departementene.html?id=451314