Jobbnorge ID: 115798
Ved Høgskulen i Nesna er det frå 1. desember 2015 ledig stilling som professor i pedagogikk. Professoren vil få ei sentral rolle i arbeidet med mastergradstudiet i profesjonsretta pedagogikk med tilhøyrande forsking som er under oppbygging.
Til stillinga følgjer det ansvar for forsking, undervisning, rettleiing, organisering og leiing av mastergradstudiet. Professoren skal bidra til å bygge relevante forskarnettverk ved Høgskulen i Nesna, og være aktiv i formidling av forsking relatert til profesjon og profesjonsutvikling i læraryrket nasjonalt og internasjonalt.
Til stillinga er det krav om doktorgrad i pedagogikk, samt forsking og publisering på høgt internasjonalt nivå på norsk og engelsk. Forsking som er relevant i høve til profesjon og profesjonsutvikling i læraryrket vil bli vektlagt. Tema som pedagogikk, didaktikk, leiing og praksisnær forsking relatert til læraryrke vil bli rekna som relevant.
I vurderinga skal det leggast vekt på deltaking i nasjonale og internasjonale nettverk, og søkjarar må kunne dokumentere erfaring med nettverksbygging og internasjonalisering i utdanningssektoren. Professoren må ha erfaring frå lærarutdanning, og erfaring frå forsking på grunnskulen og/ eller lærarutdanningane. Professoren må være aktivt publiserande og kunne vise til nyare forsking. Det er krav om godkjent praktisk pedagogisk utdanning for undervisning i universiteter og høgskular.
Søknaden må innehalde fullstendige opplysningar om utdanning, praksis og eventuell anna relevant fagleg verksemd. Søknaden med stadfesta kopi av vitnemål og attestar skal sendast inn i tre eksemplar. Vitskaplege arbeid som søkjaren skal ha med i vurderinga, og liste over desse, skal og sendast inn i tre eksemplar. Søkjaren vel sjølv ut ti vitskapelege arbeid av nyare dato som skal med i vurderinga. Søkaren vil bli vurdert etter det innsendte materialet. All dokumentasjon må føreligge på eit skandinavisk språk eller på engelsk.
Stilling som professor (stillingskode 1013) blir lønna etter avtale. Frå løna går lovfestet innskot til Statens pensjonskasse.
Høgskulen i Nesna praktiserer kjønnskvotering i samsvar med hovudavtalen § 21.
Den statlige arbeidsstyrken skal i størst mulig grad spegle mangfaldet i befolkninga. Det er derfor eit personalpolitisk mål å oppnå ein balansert alders- og kjønnssamansetjing og rekruttere personar med minoritetsbakgrunn. Søkaren må beherske norsk og engelsk godt og ha god kunnskap om det norske utdanningssystemet.
Jobbtype: fast
Heiltid/deltid: heiltid
Arbeidstid: dag
Søknadsfrist: 1.9.15
Tiltreding: 1.12.15
Arbeidsstad: Nesna
Administrasjonsspråk: språkleg nøytral
Heimeside:http://www.hinesna.no
Kontaktpersonar: instituttleiar Hanne Davidsen,hanneda@hinesna.no, eller personalsjef Magne Elstad,magnee@hinesna.no, tlf: + 47 75 05 78 00.
Se annonsen og søk på stillingenwww.jobbnorge.no
Adresse: 8700 Nesna 8700 NESNA
Web: http://www.hinesna.no/